ᒪᓕᒐᓂᒃ ᑐᑭᓯᓂᐊᕐᕕᒃ ᒪᓕᒐᓕᕆᓂᕐᒧᑦ ᐱᓕᕆᕝᕕᑦ
ᐅᑭᐅᓂ 40-ᓂᒃ ᒪᓕᒐᓂᒃ ᑐᑭᓯᓂᐊᕐᕕᒃ, ᐊᖁᑎᖃᕐᓱᑎᒃ ᒪᓕᒐᓕᕆᓂᕐᒧᑦ ᐱᓕᕆᕝᕕᖕᒥ ᐃᖃᓗᖕᓂ, ᑐᕌᖓᓂᓕᒃ ᑭᓇᒃᑯᓗᒃᑖᕐᓄᑦ ᒪᓕᒐᓕᕆᓂᕐᒧᑦ ᐃᓕᓐᓂᐊᕐᑐᓕᕆᓂᕐᒥᒃ, ᒪᓕᒐᓂ ᐊᑐᐊᕐᑎᐊᕈᑎᒃᓴᓂᒃ ᐊᒻᒪᓗ ᐃᑲᔪᖅᑕᐅᔪᒪᔪᓄᑦ ᑭᒡᒐᕐᑐᐃᔪᓕᕆᓂᕐᒥᒃ. ᐅᓪᓗᒥ ᓯᑕᒪᐅᔪᕐᑐᑦ ᓴᐳᓐᓂᐊᖅᑎᓄᑦ ᒪᓕᒐᓕᕆᔨᐅᕗᑦ, ᐱᖓᓱᑦ ᐃᓚᒌᓄᑦ ᒪᓕᒐᓕᕆᓂᕐᒧᑦ ᒪᓕᒐᓕᕆᔨᐅᕗᑦ, ᐊᑕᐅᓯᖅ ᐊᒥᒐᕐᑐᓄᑦ ᒪᓕᒐᓕᕆᔨᐅᕗ, ᒪᕐᕉᒃ ᖃᐅᑕᒫᒃᓯᐅᓪᓗᑎᒃ ᐃᖃᓗᖕᓂ ᐃᓅᖕᓗᑎᒃ ᓴᐳᓐᓂᐊᖅᑎᓄᑦ ᐃᖅᑲᓇᐃᔭᖅᑎᐅᔪᒃ ᐊᒻᒪᓗ ᐃᓅᖕᓗᑎᒃ ᓴᐳᓐᓂᐊᖅᑎᓄᑦ ᐃᖅᑲᓇᐃᔭᖅᑎᐅᔪᑦ ᕿᑭᖅᑖᓗᐆᑉ ᓄᓇᓕᓕᒫᖏᓐᓂᒃ ᑲᔪᓯᑎᑦᓯᓯᐊᕐᓗᑎᒃ ᐱᓕᕆᐊᖃᕐᓂᒃᒥᒃ ᐅᑭᐅᖑᔪᓄᑦ 40ᓄᑦ ᐃᒪᐃᖁᔨᑉᓗᑎᒃ ᐊᑐᕐᑕᐅᔪᓐᓇᑦᑎᐊᖁᓪᓗᒍ ᐃᖅᑲᖅᑐᐃᕕᓕᕆᓂᐅᔪᖅ ᒪᑭᒪᑦᓯᐊᖁᓪᓗᒍ ᓄᓇᕗᒻᒥ.
ᑎᒍᔭᐅᓐᓂᕈᕕᑦ, ᐱᖃᑕᐅᓐᓂᕈᕕᑦ ᐃᓚᒌᑦ ᐱᓕᕆᐊᖏᓐᓂᒃ, ᐊᓯᐅᔨᓐᓂᕈᕕᑦ ᐃᖅᑲᓇᐃᔭᖕᓂᒃ ᐅᕝᕙᓗᓐᓃᑦ ᐊᑦᑕᓇᖅᓵᑕᐅᓐᓂᕈᕕᑦ ᐊᓂᑎᑕᐅᓗᑎᑦ ᐊᖏᕐᕋᓐᓂ, ᒪᓕᒐᓕᕆᔩᑦ, ᓴᐳᓐᓂᐊᖅᑎᓄᑦ ᐃᖅᑲᓇᐃᔭᖅᑏᑦ ᐊᒻᒪ ᐊᓪᓚᕕᖕᒥᒃ ᐃᖅᑲᓇᐃᔭᖅᑏᑦ ᑕᐃᑲᓂ ᒪᓕᒐᓂᒃ ᑐᑭᓯᐅᒪᔾᔪᑎᓂᒃ ᐊᒻᒪ ᐃᒻᒪᖃ ᑭᒡᒐᕐᑐᐃᔨᒃᓴᕐᓂᒃ ᐊᑐᕐᓂᐊᕐᓗᑎᒃ ᐃᖅᑲᖅᑐᐃᕕᓕᕆᔨᒃᑯᑎᒍᑦ.
ᓇᔪᖅᑕᖓᑕ ᐃᓪᓘᑉ ᓇᖕᒪᖓ 1104−ᐱ ᑕᐃᑲᓂ ᐃᓄᒃᓱᒐᐃᑦ ᐃᓪᓗᖁᑎᖓᓂᒃ ᐃᖃᓗᓐᓂ, ᒪᓕᒐᓂᒃ ᑐᑭᓯᓂᐊᕐᕕᑦ ᑎᑎᕋᖅᕕᖓᑦ ᒪᑐᐃᖓᓲ ᓇᒡᒐᔭᐅᒥᒃ ᑕᓪᓕᒥᕐᒧᓄᑦ, 9−ᒥᒃ ᐅᓪᓛᓴᒃᑯᑦ 5−ᒧᓄᑦ ᐅᓐᓄᓴᒃᑯᑦ (ᒪᑐᓯᒪᕙᒃᓱᓂ ᐅᓪᓗᕈᒥᑕᕐᓇᕐᒥᒃ). ᐊᓪᓚᕕᑦᑎᓐᓄᒍᓐᓇᖅᑐᓯ ᐅᕝᕙᓗᓐᓃᑦ ᐅᖄᓚᓗᓯ ᐊᑭᖃᖏᑦᑐᒃᑯᑦ ᐊᑐᐃᓐᓇᐅᕗᑦ ᓄᓇᓕᒋᔭᑦᓯᓂ ᓄᓇᕗᑦᒥ. ᑎᒍᔭᐅᓐᓂᕈᕕᑦ, ᒪᓕᒐᓕᕆᔩᑦ ᐊᑐᕐᑕᐅᔪᓐᓇᕐᑐᑦ ᖃᖓᑐᐃᓐᓇᖅ 24−ᓂᒃ ᐃᑲᕋᓂᒃ ᖃᐅᑕᒫᑦ, ᖃᐅᑕᒫᑦᓯᐊᓕᒫ ᐊᕐᕋᒎᑉ ᐃᓗᐊᓂ ᐊᑐᕐᓗᑎᒃ ᒪᓕᒐᓕᕆᔨᒃᑯᑦ ᐱᓕᕆᕝᕕᑦ ᑲᑎᒪᔨᖏᑎᒍᑦ ᐊᑭᖃᖏᑦᑐᑦ ᒪᓕᒐᓂᒃᑯᑦ ᐅᖃᓚᐅᑎᖓᑦ ᐊᑭᖃᖏᑦᑐᒃᑯᑦ.
ᑕᒪᐃᑕ ᒪᓕᒐᓕᕆᓂᕐᒧᑦ ᑐᓴᐅᒪᑦᔪᓯᕆᓂᑦ ᐊᒻᒪ ᑭᒡᒐᕐᑐᐃᑦᔪᓯᕆᓂᖅ ᐊᑐᐃᓐᓇᐅᑎᑕᑦ ᐊᑭᖃᖏᑦᑐᒃᑯᑦ ᑐᓂᔭᐅᓂᐊᕐᓗᓂ ᐃᒪᐃᓕᐅᕈᑎᒃᓴᓂ ᑕᑕᑎᕆᑦᔪᓯᕆᓂᖃᕆᐊᓕᒃ ᑐᕌᖓᔪᒥᒃ ᒪᓕᒐᓕᕆᓂᕐᒧᑦ ᐃᑲᔪᖅᕕᖕᒥᒃ ᓴᕿᑕᐅᓗᓂ ᐊᒻᒪᓗ ᐊᖏᕐᑕᐅᓯᒪᓪᓗᓂ ᐊᑐᕐᓗᑎᒃ ᑮᓇᐅᔭᓕᕆᑦᔪᓯᐊᕆᓂᒃᑯᑦ ᐊᒻᒪ ᐊᑐᕐᑕᐅᕙᒃᑐᓂᒃ ᐊᑐᐊᒐᐅᓂᖃᕐᓂᒃᑯᑦ.
ᒪᓕᒐᓂᒃ ᑐᑭᓯᓂᐊᕐᕕᒃ ᒪᓕᒐᓕᕆᓂᕐᒧᑦ ᐱᓕᕆᕝᕕᑦ
ᑎᑎᖃᓂᐊᕐᕕᐅᑉ ᑐᕌᕈᑎᖓᑦ 29, ᐃᒡᓘᑉ ᓇᖕᒪᖓ 1104−ᐱ
ᐃᓄᒃᓱᒐᐃᑦ ᐃᓪᓗᖁᑎᖓᑦ
ᐃᖃᓗᐃᑦ, ᓄᓇᕗᑦ
X0A 0H0
ᐅᖃᓚᐅᑎᖓᑦ (867) 975-6395