ᕿᑎᕐᒥᐅᑦ ᒪᓕᒐᓕᕆᓂᕐᒧᑦ ᑎᑎᕋᕐᕕᖓ
ᓇᔪᖅᑕᖓᑦ ᓂᒋᕐᐸᓯᖓᓂ ᓯᒡᔭᖓᑕ ᕕᒃᑐᐊᕆᐊ ᕿᑭᖅᑕᖓᓂᒃ (Victoria Island), ᕿᑎᒃᒥᐅᑦ ᒪᓕᒐᑦ ᐱᓕᕆᕝᕕᖓ ᐃᖃᓗᒃᑑᑦᓯᐊᕐᒥ ᐃᓕᓴᕆᔭᐅᓂᖅᐹᖑᓯᒪᔪᖅ ᑲᓇᑕᐅᑉ ᐅᑭᐅᖅᑕᖅᑐᒃᐸᓯᖓᓂᕐᒥᐅᑕᐅᓗᓐᓂ ᒪᓕᒐᓕᕆᓂᕐᒧᑦ ᐃᑲᔪᐃᕝᕕᑦ ᐱᓕᕆᕝᕕᖓᑦ.
ᐱᓕᕆᕕᑦ ᐱᒪᔭᖃᕐᑐᖅ ᕿᑎᒃᒥᐅᑦ ᓄᓇᒋᔭᖏᓐᓂᒃ ᐱᖓᕐᓂᕐᐸᓯᐊᑕ ᐅᑭᐅᖅᑕᖅᑑᑉ, ᐃᒪᐃᑦᓱᓂ ᑕᓪᓕᒪᐅᔪᑦ ᓄᓇᓕᒋᔭᑦ. ᑎᑎᕋᖅᕕᖃᕕᖓᑦ ᐅᑯᓄᖓ ᕿᑎᒃᒥᐅᑦ ᒪᓕᒐᑦ ᑎᑎᕋᖅᕕᖓᑦ ᐃᖃᓗᒃᑑᑦᓯᐊᕐᒥ, ᑭᓯᐊᓂ ᖃᖓᑦᑕᕐᑎᑕᐅᓯᒪᓂᒃᑯᑦ ᐊᑐᕐᓱᑎᒃ ᑎᑎᕋᕐᕕᑦ ᐊᑐᓂ ᐊᓯᖏᓐᓂᒃ ᕿᑎᒃᒥᐅᑦ ᓄᓇᓕᖏᓐᓂᒃ; ᖁᒡᓗᕐᑑᖅ, ᑕᓗᕐᔪᐊᖅ, ᐅᕐᓱᕐᑑᖅ ᐊᒻᒪᓗ ᑯᒑᕈᒃ. ᐊᑐᓂ ᖃᖓᑦᑕᕐᑎᑕᐅᓯᒪᓂᒃᑯᑦ ᑎᑎᕋᕐᕕᕗᑦ ᓴᓇᔨᓕᑦ ᓴᐳᓐᓂᐊᖅᑎᓄᑦ ᐃᖅᑲᓇᐃᔭᖅᑏᑦ, ᑐᓴᐅᒪᖃᑎᒌᒍᓯᖃᕈᓯᕐᒧᑦ ᑐᕌᖓᑉᓗᑎᒃ ᐃᑲᔪᕐᑕᐅᕙᒃᑐᓄᑦ ᐊᒻᒪᓗ ᐃᒪᐃᖁᓪᓗᒍ ᐃᓚᐅᔪᑦ ᓄᓇᓕᖕᓂ ᒪᓕᒐᓕᕆᓂᕐᒧᑦ ᐱᓕᕆᐊᖑᑎᐊᖁᓪᓗᒋᑦ ᒪᓕᒐᓕᕆᓂᕐᒧᑦ ᐱᓕᕆᔨᐅᔪᑦ ᑎᒥᒥᑦᑎᒍᑦ ᖃᐃᔪᓐᓇᖏᒃᑳᖓᑕ ᓄᓇᓕᐅᔪᓄᑦ.
ᑕᐃᒪᓐᓄᑦ ᑎᑎᕋᖅᕕᒋᔭᖅ ᐅᑯᓄᖓ ᕿᑎᒃᒥᐅᑦ ᒪᓕᒐᑦ ᑎᑎᕋᖅᕕᖓᑦ ᓴᓇᔨᖃᐅᒪᔪᖅ ᓯᑕᒪᑦ ᒪᓕᒐᓕᕆᔨᓂᒃ ᐊᒻᒪᓗ ᒪᕐᕉᒃ ᑎᑎᕋᖅᕕᓕᕆᓂᕐᒧᑦ ᓴᓇᔨᒃ. ᐱᑕᖃᕐᑐᒍᑦ ᒪᕐᕉᖕᓂᒃ ᒪᓕᒐᓂᒃ ᓯᖁᒥᑦᑎᑦᑕᐃᓕᒪᓂᕐᒧᑦ ᑭᒡᒐᕐᑐᕐᓂᕐᒧᑦ ᒪᓕᒐᓕᕆᔨᓂᒃ ᐱᒪᔭᖃᕐᑐᑦ ᐊᐱᖅᓱᕐᑐᓕᕆᓂᕐᒧᑦ ᐋᕐᑭᓱᕐᑕᐅᓯᒪᔪᑦ ᑕᒪᐃᓐᓄᑦ ᓄᓇᒋᔭᐅᒪᔪᓄᑦ, ᐃᓚᒌᑦ ᒥᒃᓴᓄᑦ ᒪᓕᒐᓕᕆᔨᓄᑦ ᐅᖃᐅᔾᔨᑦᑕᕐᑐᖅ ᐊᒻᒪ ᐱᒪᔭᖃᕐᓱᓂ ᐃᓚᒌᑦ ᒥᒃᓴᓄᑦ ᒪᓕᒐᓕᕆᓂᕐᓂᒃ, ᐊᒻᒪ ᐊᒥᒐᕐᑐᓕᕆᓂᕐᒧᑦ / ᐃᓅᓯᓕᕆᓂᕐᒧᑦ ᒪᓕᒐᓕᕆᔨ ᐱᒪᔭᓕᒃ ᐊᓕᔭᔪᑎᓂᒃ ᑎᑎᖃᐅᑎᒋᔭᕐᓂᒃ ᓲᕐᓗ ᐃᒡᓗᓕᕆᔨᒃᑯᑦ /ᐊᑐᕐᑐᐊᕐᑎᑦ ᐃᒡᓗᓂᒃ ᐱᑦᔪᑎᖃᐅᒪᔪᓂᒃ, ᓴᓇᔪᓕᕆᓂᕐᒧᑦ ᒪᓕᒐᑦ ᐊᒃᑑᑕᐅᕙᒃᑐᓄᑦ ᐊᒻᒪ ᐃᓅᓯᓕᕆᓂᕐᓄᑦ ᐊᔪᖏᑦᔪᓯᕆᓂᖅ ᐊᑐᐊᑦᑎᐊᖏᓕᕐᐸᑦ ᐊᓯᖏᑕᐅᖅ ᓱᓕᕆᓐᓇᐅᔪᓄᑦ.
ᐃᒪᐃᑦᑐᖃᕐᒥᔪᒍᑦ ᖃᐅᑕᒫᖅᓯᐅᑎᓂᒃ ᐃᖅᑲᓇᐃᔭᖅᑎᖃᕐᒥᔪᒍᑦ ᐃᖃᓗᒃᑑᑦᓯᐊᕐᒥ ᐱᒪᔭᖃᕐᓱᑎᒃ ᐃᑲᔪᐃᓂᕐᒥᒃ ᒪᓕᒐᓕᕆᓂᕐᒧᑦ ᐱᓕᕆᔨᓄᑦ ᐸᕐᓇᐅᑎᓪᓗᒋᑦ ᐋᕿᓱᑦᑕᐅᓯᒪᔪᑦ ᐊᐱᓱᕐᑐᓕᕆᓂᒃᓴᒥᒃ, ᑐᓴᐅᒪᔨᐅᓂᒃᑯᑦ ᓄᓇᓕᖕᓂᕐᒥᐅᓂᒃ. ᓄᑖᖅ ᐃᓚᐅᕈᑎ ᐅᑯᓄᖓ ᕿᑎᒃᒥᐅᑦ ᒪᓕᒐᑦ ᑎᑎᕋᖅᕕᖓᑦ ᓴᓇᔨᑦ ᑎᑎᕋᖅᕕᖕᒥ ᐃᓱᒪᑕᖅ ᐊᒻᒪᓗ ᓄᓇᓕᖕᓂ ᐱᓕᕆᐊᓄᑦ ᐊᐅᓚᑦᑎᔨ. ᑐᕌᒐᕗᑦ, ᐊᑐᕐᓗᓂ ᐃᓂᒋᔭᕐᒥᒃ, ᐃᑲᔪᐃᓂᕐᒥᒃ ᐋᕿᐅᒪᓂᕐᒥᒃ ᐊᒻᒪ ᓴᕐᑭᑦᑎᕆᓂᕐᒧᑦ ᐱᓕᕆᐊᒃᓴᐅᒪᔪᓂᒃ ᕿᑎᒃᒥᐅᓂ ᐊᑐᕐᓂᖃᕐᓂᐊᕐᓱᓂ ᐃᑲᔪᕈᑎᒃᓴᐅᓗᓂ ᐃᑲᔪᕐᑕᐅᔪᒪᕙᒃᑐᓄᑦ ᐊᒻᒪᓗ ᓄᓇᓕᐅᒪᔪᓄᑦ ᐊᖏᕐᕋᕆᔭᑉᑎᓐᓂ.
ᐊᓪᓚᕕᒃᓚᒃᑖᕗᑦ ᓇᔪᖅᑕᖓᑦ 23 ᒥᑎᖅ ᐊᑉᖁᑎᖓᓂ ᐃᖃᓗᒃᑑᑦᓯᐊᕐᒥ ᐊᒻᒪ ᑎᑎᕋᖅᕕᕗᑦ ᒪᑐᐃᕐᑕᕐᑐᖅ, 9−ᒥᒃ ᐅᓪᓛᒃᑯᑦ ᑕᐃᑯᖓ 5−ᒧᓄᑦ ᐅᓐᓄᓴᒃᑯᑦ, ᓇᒡᒐᔭᐅᒥᒃ ᑕᓪᓕᒥᕐᒧᓄᑦ.
ᕿᑎᒃᒥᐅ ᒪᓕᒐᑦ ᑎᑎᕋᖅᕕᖓ
25 ᒥᑎᒃ ᐊᑐᕆᐊᖓᑦ, ᐃᖃᓗᒃᑑᑦᓯᐊ, ᓄᓇᕗᒻᒥ
X0B 0C0
ᐅᖃᓚᐅᑎᖓᑦ (867) 983-2906